Aa tu mere khwabon main pal jaa
Aa tu mere khwabon main pal Jaa,
Tapasya ki aag main thoda sa tap ja,
Pyar ki ek sundar si murat main dhal jaa,
Aa tu mere khwabon main he pal jaa.
Tujhko maine apne khwabon main he janma.
Na chahu tera is duniya ki dhup main jalnaa.
Bachaa ke rakhu tujhe un musibaton se, jinka is duniya main dikhta koi hal naa.
Dino din tu mere khwabon main he badti jaa,
Aa tu mere khwabon main pal Jaa.
Duniya badi Nirdayi hai, degi rukawate hazaar, har pal tera dil bas rahega bekarar.
Iss dil main he reh jaa, tujhko milega pyar beshumar.
Na koi seema hogi na kadwahat ki he daraar.
Aa tu mere khwabon main he pal jaa.
Path pyar ka padhna, bolna madhur wani.
Ik tu he to jeene ka sahara ik tu he banegi zindagani.
Chahu jitna bhi tujhe in baaho main lena, tere nanhe kadmo ko fir dharti par utarte dekhna.
Ik bitiya se apni saheli or fir saheli se kisi ki ardhangni banaa tujhe mohabat ki doli main vida hote dekhna, dekhna fir tujhe karte hue matritv ka ehsaas
Sehamm jaati hu main khud he soch kar ki tere in padaow ke beech ke safar main kai jhalim chahenge tujhse to kabhi ter khabo se khelnaa, bachaungi kese tujhe har ik nazar se, chal paungi kya tere sang har ik dagar pe.
Dhundh paungi kya tere liye manchaha humsafar, thaam lega jo tujhe or himatt de aagey badaayega.
Kashto ki dhup main jo tujh sang jalega or tere upar aane wali har aanch ko apne prakop se jalayega.
Naa janu de paungi tujhko kesa jeewan, chahu jitna bhi tujhe apne aangan main, par tu pal sirf mere antarmann. Jab main he na jaanu ki tujh sang nyay kar paungi, kese fir tujhe ye jeewan de paungi.
Mayus hu ki kehne par majbur hu, Bas aa tu mere khwabo main he pal Jaa.
Manisha Dawar