Bhaur

Ratiya Sang khela Khel, nindiya se jaldi kiya mael, Aadat ko apni de kar ghat, Bhaur ko aaj maine di hai maat.

Waqt ka pahiya yu he chala, Suraj aaj meri jeet se Jala, Uga nahi jab wo ab tak, fir bhala mera savera kese ussey pehley Chadha.

Taro sang hai chanda khada, Samay hai utna hee par aaj mera din hain kuch badaa.

Kirno se pehle hai armaan jaagey, khiltey ujaley sang mere sapney aagey hai bhagey, Kesariye ambar bandhta naye jeewan ke dhaagey.

Meetha Sa ye Sury ka tej, Sakaratmakta ka Sandesa raha hai bhej, Podho par dekho kese jhilmilati Aus ki Sej.

Phul mandd si Khushbu hai bikhertey, nanhe wo panchi madhur raag hai chedte.

Alsi wo manushy sota chala, Karamkandi wo ser ko chala. kismat apni jo likhta hai khud wo bhala kab aalasy ke prabhav se hai dhala.

Lo ho gaye din ki shuruaat bhi, upyog karlo samay ka uttam bhulo na fir aani hai raat bhi.

Manisha Dawar