Lamhein

Ek Varsh beet chala, Nanhaa sa tu aaj bhi Kitna Komal lagta hai.

Tera maasum sa chehra dekh mera dil dhadakta hai.

Jigyasa se bhari Teri aankhein jab shetani main badal Jaati hai, ghar par hasi thahakey ka mahol banati hai.

Nanhein kadmo se jab tu idhar udhar thap thap daudta hai, apni har aahat se sangeet ko jodta hai.

Shabdo ko aksharo main todti Teri madhur Vani.. har din likhti hai ek sundar kahani.

Asmanjas main hoon ki thaam loon is lamhein ko ya tujh sang aaney waley Jeevan ko lamhon main badalti chalu..

Kal samajh paaye tu mere aaj ko, isi aas se mera dil aaj in shabdo ko jodta hai.

Manisha Dawar

(Proud Mother)