Maine lakiro ko chuna hai

Takdeer ko nahi maine lakiro ko chuna hai.. unn lakiro ko jinhe maine apne sapno se bunna hai.. 

Safalta jiski koi paribhasha nahi, usey maine apne shabdo main apne hisaab se buna hai.. na wo jee paye the mera kal, na aaj samajh payenge.. fir kyu unki paribhasha ka bojh uthau? jo khud ki safalta par hai sawaal uthate?

Keh gaya tha Sikandar mere hath kabar se bahar rakhna.. khali dikhey sabko iss baat ka khayal rakhna..

Bin manzil ki daud se parey maine kudrat ki raho par chalna chuna hai..

Ek soch jagaana, kabhi hasi de jaana isey Apna Lakshya chuna hai..

Safalta ho ya vifalta hogi meri kamayi.. dosh na dungi kisiko na kisiko kahungi harjayi.

Shuny se khade hokar fir shuny main mil jaana hai.. in do shunyo kay beech maine apni raah ko chuna hai..

Takdeer ko nahi maine unn lakiro ko chuna hai.. Jin lakiro ko maine khud buna hai..

Manisha Dawar