Naam Jap

Ik din maut ki shehzadi aayegi, na sona kaam ayega na chandi kaam aayegi, mitti ki kaya mitti main mil jayegi.

Ram ram jup le bande Ram Naam sath jayega, tu khali haath aaya hai tu khali hath jayega.

Kyu ahankaar karta hai bande, sab kuch yahi reh jayega, Ram Ram juple bande yahi sath jayega.

Bhai bhatija bandhu sab jhuthe hai naatey, dukh ke samay na koi kaam aatein, matlab ki hai duniya saari koi na sath jayega, khali hath aaya hai bande khali hath jayega.

Kyu meae mera karta hai, kuch nahi hai tera, sab kuch hai uss prabhu ka jisne diya tujhe basera.

Krodh moh lobh chorr ke tu Ram Ram juple, Ram Ram he karega beda par, wahi rakhega tere sir pe hath.

Ye jeewan tujhe prabhu ne diye, na tu isey vyarth gawa, kuch acha kaam karle bandey, tu neki ke rastey par ja, neki tere sath jaayegi, yehi duniya main teri chap chorr jayegi.

Dar mat bandey prabhu hai tere sath, uss par rakh vishwaas, wo he teri bigdi banayega or raasta dikhayega, kismet ka hai ye khel, kab kissey ho jaye tera mael,.

Achanak he ik din Pal bhar main ho jayegi zindagi tamam, fir kab japega tu raam ka naam, antim kshan fir pachtayega, par kuch hath na tere aayega, Ram Ram ka Rog luga le bandey wahi karega tera beda paar.

Jeewan mrityu hain ik khel, bhajle Ram Ram, ye naam jap mala he karegi tera prabhu se mael, Ram Ram ki aushadhi jab tu khayega bhav sagar se paar utar jayega.

Rama Dawar