Tere Sapney

Mere intezaar main jab tu so jaata hai, tere maayus honey Kay Khayal se dil toot jaata hai.

Tujhe chain se sotey dekh ik sukoon aata hai.. fir agley he pal dil tujhse baat karne ko tadap jaata hai.

Sochti hoon tu kya sochta hoga.. darwajey ki ghanti par tu daudta hoga.. na dekh mujhe kya tu mayoos hota hoga?

Ya pehchanta hai ki chahey mujh sang waqt tujhe kam hai milta par tu meri har saans main hai khilta..

Pehchanta hai kya tu unn dhadkano ko jo tere liye hai chalti.. tere pyar se he meri subah hai chalti.. tujhe har pal pyaar kar zindagi hai chalti..

Umeed hai mujhe ki tu kal mera aaj ko samajh payega.. kabhi muskurahat se to Kabhi narazgi se.. Kabhi pyar se to Kabhi gussey se iss charcha ko aagey badayega..

Jaanu na main kal kesa hoga.. jaesa bhi hoga.. teri aahat se, tere pyar se, teri mukurahat se, tere sawalo se har pal mera saja hoga.

Teri Garv Maa

Manisha Dawar